Fundação Lafaek Diak (NGO) organizasaun atu dezenvolve komunidade ne'ebe uza metodu naran ABCD (asset based community development) 'komunidade sira nia bens,' atu halo buat ruma husi komunidade nia forte iha ona.  Organizasaun ne'e hahu tinan 2005 ne'ebe grupu ema Timor no ema malae husi fatin seluk mai hamutuk no haree oportunidade halo kompromisu atu ajuda dezenvolve fatin rural iha Timor-Leste, hanesan dalan atu dezenvolve nasaun Timor-Leste hotu. Ema sira halo sira nia matenek, eskil, no esperensia hamutuk atu kreir NGO ne'ebe bele serve ema vulnerable iha fatin rural. Sira hanoin kona ba importansia halo liga internasional atu simu ema husi fatin seluk se mak bele fo ajuda ba sira, no serbisu hamutuk atu halo sira nia visaun hanesan susesu.